Saya siiiiniiii kota marudu, bkn ranau ah, walaupun ada jalan sudah pigi poring (dakat ja bah poring ngan ranau~) tapi bulum siap lagi bah jalan dia under constarction dia bilang, grabel lg tu , kalau tidak pigi poring sudah ni tiap2 minggu hehe.
Boring bah teda internet sini, mau pasang pun mau pigi sana kudat (jauh bah tu buang duit minyak huhu) apply sana, mau pasang tiang talipon lagi ni adeh. Brapa la semua tu? Ndak sy tau pula. Bagus2 sini marudu ada pekan, tak pula si TMnet buka cawangan dorang.
Mau makin maju bah sini marudu, mau makin banyak orang lalu sudah sini, ngam2 di tangah2 perhentian mau pigi kudat, poring ngan pigi sandakan (tu la siapa2 cakap mundur ni tampat, tengok la nnt masa dapan ramai tu, tgg tu jalan siap la, lambat batul tau)
Senyum2 semua peniaga di marudu ni nanti ramai pelangan, perniagaan pun up up and away bah trus jualaan dorang.
Bah, saya mengidam mau main internet dapan komputer sendiri sudah ni, temau pigi cc, kamu mau habis duit sana ja tiap2 kali pigi? Bagus tiapayah.
Kamu mau tau di mana saya dapat update blog saya?
Guna henpon ja ni, bagus bah teknologi sekarang, henfon pun bulih surf internet update blog, tingok2 FB, tapi kredit la capat habis, nasib saya ambil tu Easy Digi Prepaid, lapas surf sampai RM3 trus free 1 hari sampai jam 12 tangah malam (macam jadi duta Digi pula saya ni hahaha) kol tau sms girlfriend free bah hehe.
Bah sini saja la, mau modop kajap, bangun nanti mau pigi cangkul buat batas tanam pokok cili, mau buat realiti FarmVille (kan bagus klau kajap ja ni tumbuh smua pokok cam FarmVille hahaha) mau kasih masuk gambar juga apa macam keadaan di kota marudu tapi ndak dapat, nnt la saya ambik banyak2 gambar baru upload time balik sudah sana rumah penampang, bah palan2 kamu, bulum friday lagi ni tahan2 mau minum tu hahaha.
No comments:
Post a Comment