Funny Night

Fuhhh Label 5 tadi belasah sana rumah kawan, baru brapa galas tu, panas2 lg tu (teda ais lum cukup karas tadi tu ais saya minun) mau juga tambah air tp ndak sadap pula rasa, ada lagi tu chivas test td skit adeh.... ndak sadap. Mau juga tu Vodka baru sadap.

"Ni la tu Label 5 yang adik saudara kawan saya beli tu hahahaha"

"Chivas tadi, ndak sadap saya rasa hahaha"

Paning2 ja ni sekarang kalau bulih mau yang sampai ampai2 bah ni, blum pena merasa lagi ni minum sampai ampai2. Pening2 ada la dulu 1st time pigi minum ngan kazen sana bundusan, ntah apa nama tu nama (rose something la).

Sekarang gatung la skir rasa tapi ok la rasa, ada feel pening2. Minum sana rumah kawan, ada juga kawan mau bercerita, punya la stress ni hari, dakat temau datang minum rumah kawan kos mau bgn awal bisuk jadi driver tulung hantar2 org (mami saya punya kawan meningal, kira saudara jauh la bahagian lelaki, husband tu si mati) jadi tolong2 la ja la tadi jam 12 tgh hari jadi driver, ingat hari ni ja jadi driver trus kena pangil adik suami si mati minta tolong pigi sana Lampaki, di kampung Inobong mau tempah tampat kuburan.

Besok kana tolong dorang pegi KK bli Vogok(babi) pastu lusa mau bawa orang pigi kurik kubur sana Lampaki, 2 hari turut2 jam 7 lbh pagi mau sampai tempat dorang la ni. Takpa, ada juga kebaikan, ndak juga bad mood la asal dapat buat kebaikan.

Batul2 pening high la sekarang tapi OK masih la ndak juga sampai yang amnesia tetau pa buat ni (masih ok bah ni tau juga tengah taip blog) nasib ndak mabuk gila time bawa kreta tadi, steady masih hehehe.

Bah mau tidur lu (nasib ndak kerja bisuk hehehe)