Selamat Datang

selamat datang ke blog sia, saja ja mau buat lum tau apa mau carita ni lagi. Tapi sia update2 juga ni bah. Mungkin mau cerita pasal kehidupan di Sabah ini tau pun kehidupan sia.

Sia lahir di KK, sana hospital Queen Elizabeth(sekarang kana ka c runtuh suda tu) ndak tau jam brapa kuar dari perut mami sia tp tau tahun brapa la hehehe 1988.

ni tu hospital Queen (seblum kana ka c rubuh)


Apa sia buat sekarang?
Teda pa2 jg, karja kebun tanam2 pokok cili sambil main internet hahahha (but for real bukan tu farmville ah, memang ada main tapi ada butul2 bah sy tanam pokok cili 2-3ekar~)

Tinggal sana panampang dakat tu SMK datuk peter mojuntin, tengah hari tau patang kuar buli cuci mata hahaha. But sekarang salalu sana Kota Marudu, ulang alik ja la, 2-3minggu sana jg smpai jd macam orang gila (buring sana teda pa2)

Kalau ada pasang internet sana best juga ndak juga sia rindu mo balik rumah sana KK. Yang sia pelik sana, kanapa la teda cawangan TMnet sana, mundur skit la tu tempat, tiap hari sabtu ja macam ghost town ja tu tampat bikin takut. Awal lagi tu semua kadai2 sana tutup bulum pun pukul 9 lebih betutup ja macam takut mau buka sampai malam hehehe.

Sori la kalau sia ada ka c tersinggung hati sepa2 yang baca tu, tu dari pemerhatian sia saja tu bukan semua orang (no joke, no fun la bah kan orang katakan)